今日七月十四，最猛嘅係鬼⋯⋯佬！
我返工泊完車冇耐，有個鬼佬跳出黎鬧我話我一路推著佢架車。又話我Cut得佢衰，又話我唔打燈。Sor9ry，我完全唔認得你架爛鬼Toyota。如果我推你又閃你燈又俾中指你，跟著俾你追到鬧爆我，咁我抵死。我做都冇做過你鬧我就唔抵！唔好屈我！
佢一路跟著我，跟到返診所，再跟著我去到我房門。一路鬧鬧鬧。話唔明點解做醫生可以咁樣揸車，話要搵我老細。我都冇你咁好氣。我揸左20+年車，從來冇事。就算我揸得衰，同我點醫人又有咩關係？又關我老細咩事？！佢恐嚇我話要報警，又話佢唔想搞大件事，話想我唔好再Denial我係一個危險駕駛者。
長話短說，佢嚇Q曬D客搞到佢地走埋。多謝你先，等我做少D嘢。我翻睇Car Cam，我安全Cut線打曬燈。落停車場冇車，我泊位都打埋死火燈Warn定之後黎D車。我係危險駕駛嘅會唔會咁做？？
條片我俾左12個人睇，俾人讚我安全揸車到不得了。
係我時運低撞到個鬼佬，定係佢時運低睇到啲我睇唔到嘅嘢呢？大家其實係唔係同一個空間度？
～～～
食番個平靚正石燒吉列牛小排都補唔番😡😡😡😡😡😡😡😡
不過真係好平... $100 唔洗想點。等大半個鐘先有位都值～
Search